مريم علي من الدير

: عرفينا عن حالك؟

م: انا مريم علي

ا: اي سنة خلقتي؟

م: سنة 1964

ا: من وين من فلسطين؟

م: انا من الدير.

ا: شو بتعرفي عم فلسطين؟

م:  والله، بعرف كتير انو جوزي كان يزرع الارض ويشتغلو بالزرع والماشية.

ا: طيب هلأ عن فلسطين بالعموم شو بتسمعي؟

م: هلأ اكتر شي منسمع عن غزة وعن الضفة وحصار غزة متل ما منسمع على التلفزيون.

ا: كيف تعرفتو على بعض انت وجوزك؟

م: تعرفنا بالمدرسة من صف التاسع ( بروفيه) تعرفنا على بعض 4, 5 سنين بس من بعيد لبعيد

ا: كان حدا يعرف هالشي؟

م: انو اه، بس رفقاتي انا وهوي كان من نفس المخيم.

ا: بس اجا طلبك دغري وافقتي؟

م: انا اه دغري بس اهلي عارضوا اول شي.

ا:ليه عارضوا اهلك؟

م: لانو ما كانو بعرفو منيح وما كان بدن ياني اطلع من المدرسة، ابوي كان بدو ياني كمّل علمي ودراستي. بس بعدين صار حرب اسرائيل وابوي إتأسر ( أسير يعني) تركت المدرسة وصرت أشتغل.

ا: كيف رجعو وافقو اهلك؟

م: في ناس دخلوا واسطة بالموضوع حتى وافقو اهلي بس لما تزوجنا خلص كل شي صار عادي.

ا: اهلو هوي كانو معارض؟

م: لا اهله لا، بس اهلي كانو معارضين.

ا: بس اجا طلبك اجا لحالو؟

م: لا واهله اجا هو و وجهاء الحارة والجيران.

ا: كيف كان وضعه الاقتصادي؟

م: كان عادي كان يشتغل على المينا مثلا بتيجي بارجة بنزلوها وبعدين صار يشتغل بالتوبار ( العمار) البناء.

ا: اديه كان المهر؟

م: مقدم كان ليرة دهب ومأخر شي 4000 ليرة.

ا: كنت تشوفي ايام الخطبة وتطلعوا سوا؟

م: اه اذا حدن من اصحابو كان عزمنا منروح بس كانت خالتي تروح معي.

ا: يعني ما كنتو تقعدوا لحالكن؟

م: نقعد لحالنا اعوذ بالله، لا الا اذا كان في حدا.

ا: يوم العرس كيف حضرتوا؟

م: اول شي حدد عمي موعد العرس بس ابوي ما قبل لان امي كانت حامل يعني  رجعوا اهلي غيروا موعد العرس بس جوزي وقتا اتضايق كتير.

ا: صار في خلاف يعني؟

م: اه صار شوي خلاف بعدين اتحلت

ا: مين عزم للعرس؟

م: حدا من القرايب كان يروح يعزم

ا: عملتي سهرة؟

م: اه عملت، زمان كانو يطلعوا العروس قبل بيوم من بيتها. انا طلعوني عند بيت جدي هيك كانت العادة زمان السهرة والعرس كان بنفس اليوم، انو من الصبح طلعت انا.

ا: شو لبستي؟

م: لبست فستان ابيض.

ا: كان الفستان خياطة او مشترى؟

م: كان خياطة من عند الخياط

ا: عملتو اكل بالعرس؟

م: اه كانو يطبخو ويخلصوا ومطرح ما تكون العروس يودولا اكل. الاكل كان شوربة ورز وبرغل

ا: وين سكنتي؟

م: سكنت مع بيت عمي، اهلي اول شي عارضو كرمال هيك، خافو ما يكون معو يعمل بس رجعوا اقتنعوا اخر شي. وسكنت مع بيت عمي بس انا بعدين عرفت انو اهلي كان معن حق.

ا: اذا كان يصير خلاف مين كان يحل المشكلة؟

م: عمي كان يحل وبس جوزي عمّر بيت بعدين صارت الخلافات خفيفة.

ا: كان في نقوط زمان؟

م: اه كان في نقوط، كانت العيلة تنقط مصاري بس اديه ما بعرف بس كل ما حدا كان ينقط كانو يقولو اسمه.

ا: طيب انتي قبلتي بجوزك كيف ما كان وضعه، طيب او اجا واحد تاني واتقدملك ومعو مصاري، مين كنتي بتختاري بوقتا.

م: ههههههههههه والله ما بعرف بس خلص اذا في نصيب على هالشخص في نصيب ونصيبي عند هالشخص وعندي 7 اولاد والحمدالله.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: