علي معاذ مرعي من الناعمة قضاء صفد

ا: عرفنا عن حالك يا حج

ع: انا اسمي علي معاذ مرعي

ا: اي سنة خلقت؟

ع: انا من مواليد 1933

ا: من وين انت من فلسطين؟

ع: انا من الناعمة قضاء صفد

ا: شو بتعرف عن فلسطين؟

ع: زمان كان الوضع غير وضع هالايام، العالم كانت عايشة غير هالايام انو بلد زراعية، كانت العالم تشتغل بالزراعة مثل الحبوب وتربية الماشية.

ا: بس خطبت اديه كان عمرك؟

ع: اول وحدة كان عمري 19

ا: كم وحدة متجوز ليه؟

ع: انا مجوز اثنين

ا: كيف تعرفت عليها؟

ع: اول وحدة كانت قرايبتي، كانت العيلة تعمل اجتماع شي 17 شخص وكانو يحددوا فلان لفلانة.

ا: اه، يعني ما كان في وجاهة وتروحوا تخطبوا العروس؟

ع: لا ما كان في لا وجهاء ولا حدا يروح يطلب خلص بالاجتماع بكونو حددوا كل شي.

ا: كان في اعتراض؟

ع: لا ما كان في حدا معارض

ا: كيف كان الوضع الاقتصادي؟

ع: كنا نزرع ونفلح، كانت العالم عايشة.

ا: طيب اذا كان العريس حالتو فقيرة، كانو اهل العروس يوافقو عليه؟

ع: والله حسب القسمة والنصيب بالدنيا، كان فقير او غني.

ا: اديه كان المهر؟

ع: كان المأخر 30 ليرة لبناني.

ا: جبت دهب؟

ع: لا ما جبت دهب بس جبنا لباس

ا: عملت حفلة خطبة؟

ع: اه، بس هيك كان في منجيرة ( الشبّابة) يعني بس هيك. ما كان في اغاني يعني.

ا: اديه فترة الخطبة؟

ع: كانت الخطبة شهر واحد؟

ا: كنت تشوفا وتقعد معها؟

ع: لا زمان كان في, تشديد لأنو قرابتي وجارتي هي.

ا: وين كتبت كتابك؟

ع: في مرجعيون كتبنا الكتاب، كان في الشيخ حمود، وقبل العرس بكم يوم رحنا على المحكمة وكتبنا الكتاب.

ا: مين حدد موعد العرس؟

ع: الاهل هم حددوا.

ا: كيف كانت تحضيرات العرس؟

ع: الاهل والجيران عملو اكل، ما كان في زينة، ما كان في شي.

ا: مين عزمتوا على العرس؟ وكان في حدا من برا البلد؟

ع: عزمنا القرايب والجيران، اهل البلد من مرجعيون، ما اجا حدا من برا، كلو من جوا من الداخل.

ا: كيف كانت العزيمة؟

ع: كانت تفضل لعنا عالعرس ما في كتاب ولا شي متل اليوم

ا: كم يوم ضل ضل العرس؟

ع: العرس يوم واحد.

ا: شو كان لباس العرس؟

ع: بنطلون عادي، ما لبست طقم، والعروس لبست كمان اواعي عادي، لا فستان ابيض ولا شي.

ا: كانو مشترى او خياطة؟

ع: لا كانو مشترى، كل شي مشترى.

ا: وين سكنتو؟

ع: سكنت في مرجعيون مع اهلي، كان عنا بيت كبير.

ا: كيف كانت علاقة مرتك مع اهلك؟

ع: والله كانت كويسة كتير، وهي من الاول عارفة، انو بدها تسكن من اهلي وما عارضت.

ا: طيب يا حج، وتاني زواج احكيلي كيف صار؟

ع: بعد ما اتوفت مرتي، كانوا ولادي بعدن صغار. كانت العروس من صيدا وانا من صور بعتولي دبرنالك وحدة، انا وافقت دغري.

ا: انت ومين رحت طلبتا؟

ع: رحت لحالي البنت كانت يتيمة، الها بس إخوات، ما كان في جاهة.

ا: كان في حدا معارض؟

ع: لا ما كان في حدا معارض

ا: وضعك كيف كان؟

ع: كان الوضع منيح.

ا: اديه كان المهر؟

ع: 6000 ليرة والمأخر كان 10000 الالف ليرة.

ا: جبت دهب؟

ع: اه طبعا، جبت ليرة دهب وخواتم ما خليت شي ناقصها.

ا: انت ومين رحت جبت دهب؟

ع: رحت انا والبنات والعروس وقرايبها.

ا: عملت خطبة؟

ع: لا ما عملت خطبة، ما طولنا بالخطبة شهر واحد بس.

ا: كنت تشوفها وتقعد معها؟

ع: كل اسبوع كنت اروح ازورها

ا: وين كتبت الكتاب؟

ع: كتبت الكتاب بالمحكمة بصيدا.

ا: كيف حضرت للعرس؟

ع: ليش شو بسوّ بالعرس هههههههه. كانت العروس معزومة عند بيت اختي من الصبح، انو العزيمة كانت اخوية، ابوها كان ميت، ما عملنا شي.

ا: يعني العرس كان في بيت اختك؟

ع: اه، العروس من الصبح كانت عند اختي وانا بالبيت. بس شو زفوها زفة وزفة شي 15 ، 17 سيارة كان ماشي وراها.

ا: شو لبست العروس؟

ع: أواعي عادي كمان، انو بنطلون وجاكيت وقميص. والعروس بدلة بيضا مشترى كمان.

ا: عملتو أكل للعرس؟

ع: أه، عملو رز ومناسف وتصف هالناس على الاكل.

ا: وين سكنت؟

ع: سكنت هون بالمخيم

ا: كيف كانت علاقتك مع بيت عمك؟ كان في نقوط؟

ع: أعوذ بالله ما حدا كان ينقط حدا. عمي ومرت عمي كانوا متوفين. بس العلاقة كانت مع مرتي احسن علاقة وهي اشرف البنات كان ومحترمة، محترمي نفسها ولا كنت بربع كلمة ازعلها لاتو متل ما انت انسان هي انسان كمان، ومتل ما انت الك حق هي الها حق كمان، وهي كان بدي بس انو تحترمني وتحترم امي وابوي.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: