ام غازي- عزيزة تركي قاسم- من الحولة

_:يرن الجرس عندون , هني عندون ;كبانيةواحدة ’ كل اكلهن كنا كبانيةمع بعض, ,يجو يتغدو مع بعضن البعض بجي ابوي يحطولو سندويش سمون ’ يحطو زبدة ومعقود وبجي يجبلي انا واقفة حد الولد الصغير .

خ: شو المعقود حجي.

_: معقود مشمش

خ: اه يعنى مربى

-اه يعنى مربى ، ايه يجيب وانا واقفة عند الولد يبيع ويسحب حالو ويجىي يروح،نجى نروح عالبيت ، كمان مرة تانية نعيد الكرة واجي معاه ،ويوم كانت تسير الاعراس كنت ولد صغير احنا يعملو حفلات وطبل وكذا.

يقولو عدة يروح على متل ما تقولى علي الولي يعني على شو اسمو ،تروح  كل العالم معاها ، يعملو دبكات يعملو عراس عرفت كيف عليه, ويعملوه الاكل ويسحبوحالن ويجو ، يجو وكل منطقة بمنطقتها ويروح يزوروا الغوالي, يعنى المزاد هادا هادابقولو لو يروح يزوره عدة وطبول وكذا يروحو يزوروه ويجو.

 

ح: حجة حافظة اغانيهن.

_: لا والله ماني حافظيتين، عرفت كيف علي وبنجي يومن عاد

خ: جيزة ما جيزة يوم تنخطب العروس احنا الولاد صغار بس الولد والله العظيم يعرف ، تنخطب هالعروس ، العريس والعروس ما بشوفو بعض هيك على عماها ما حدا بشوف حدا يخدها هالعروس وما بشوفها الا يوم العرس يوم العرس بجبيوها والله العظيم هيك كانت .

خ:ايه حجي.

_:يجبوها لحتى يشفوها .

:عالصورة ما الصورة.

_:لا فيه صور ولا في شى

شو اللباس يوم يروحو يخطبوها ،شو اللباس اللباس عادي طويل فيه كانت هادا يقلولها دامر يلبسوه وكانت الهوادج شو الهوادج جمل يحطولو من هاد الناحية وهاد الناحية ويسوها وتركب العروس بالنص ويصيرو يغنو ، احنا الولاد لصغار كنا نلحقهن نشوف شو هوى العرس ويوم اللي يعملو العرس يطبخو, يعملوا رز  بحليب يذبحويعملو مناسف رز

يكون الرز خفيف يحطو برغل من تحت والرز من فوق ويحطوهاللحم كله على ضهر صدر الى شو بسموه  المنسف ,وتتغدا العالم ويقومو عاد الشبيبة وكلهن يدقوا ويدبكواواحنا نتفرج عليهن من مطرح لمطرح،ايه هاى شغلات فلسطين ، يوم  اللي جينا خالتي واحنا طالعين كنا صغار ، اجو ضاحكين على العالم قالولن بس اسبوع تطلعووتعاودو تردو على فلسطين ، اسرئيلية اليهود شوقالولنا هل البلد يا عمي لا تطلعو ولا تروحون خلينا عايشين مع بعضنا البعض, مناطق مناطق خلينا عايشين مع بعض يجو يشربو حليب خالتى من عنا ,ومعامل من عنا يعنى يجو يشتروا حليب من نفس البلد ولبن  ويعملو معامل يجو يقولون لا تطالعو رح يخدوهن ع سوريا ,الامن هناك خلينا عايشين مع بعضنا البعض العالم طلعت ، اجينا وين على حدود لبنان كلها حدود سوريا هي ، منطقة يقولوها العباسية عرفت كيف علي اجت العالم على  بنت الخيام وقعدت فيها قعدت وظلت قاعدة فيها ,في ناس راحو على حلب وفى ناس عندون طروش عندون جاموس عندون كذا صارو يروحو مزارع مزارع عشان يعيش هالطرش ايه تنقلنا احنا نقلنا لبلد هاى بقلولها حبات الزيت حبات الخشب على عين قينا على الحدود على منطقة محادوة فلسطين , عرفت حد فلسطين هاى جنبها بس ما في كتير, احنا بلدنا الحولة ما في بينا وبين سوريا قريبن, ونهور عنا كتير خالتى اكتر ما تتصوري نهر تقطعي من نهر لنهر ما في مسافة ، من كتر مافي نهور عنا ايه ترى هالعالم ، قاموا طلعت هالعالم لما صار العالم تفرقت صرت من منطقة لمنطقة نجي، اجيت انا ولد صغيرة وابوي متجوز واحدة على امي اجا لعنا هوي هاد اللي عطوي ياه ,اجا ربينا عند عمو اخو ابوه يوم اللي امي تجوزت ، مات ابوه بعيد عنك ,ردت لما ترملت قعدت على الولد والبنت ، ردت اخدت واحد تاني ، والتاني لاخدتو جابت منو بنت كمان على ضرة خلفت منه بنت ، ترملت منه كمان ، لفت مين على ابوي يعني ضرة فوق امي ، اخدها ابوي ، الولد اللي من جوزها الاولانى كان عند عمو اخو ابوه زتتو يعني .

اجا بعد ما اجات كان ابوي يجي عالشام يخد غراض اواعي ويخدها كلها يبيعها بفلسطين هناك ايه ، اجا يوم الا  قالتلوتجوزومن  اهليتي  ما قبلو يعطوها قلتلو لابوي صراحة ,وهي قتلوها منشان ما يعطوها لابوي

خ: ضربوها ضرب

_: اى ضربوها ذبحوها من القتل

. من بعدها فا  هادا اجا ابن عمو زت الولد ، قالو يلا يروح نقلع عند امك اجا سحب حالو الولد واجا ، لقتو مرت  اللي قالتلوشو عم تسوي يا فلان ، قالها يا خالتي ام احمد ابن عمى طردني وين بدي اروح ما بعرف قالتلو قوم لروح اوديك عند امك ,انا كنا صغار هوي بالمدرسة عند الخطيب العادي قراية قرأن عرفت كيف علي هوى منيح بالعمر ، جابتو مرت عمي لعند امه خادتو عليها قالتلها يا خزنة جبتلك علي لعندك قالتلها ما بدي ياه الله يلعن ابوه على ابو كذا كذا ، قام ابوي قالها لا والله ما بيطلع من البيت قام ابوي حاواه عنا قعد عنا ، تانى يوم ابوي اخدو على صفد

خ:اديش كان عمر الولد؟

_:عمرو منيح كان عند الخطيب وعند المدرسة الله اعلم

خ:يعني شي 13 سنة

_: والله اكتر من 13 سنة

خ:قبل ما تكفي حجي بدي تقوليلي اسمك وعمرك

_: عمري شو بدي قلك

خ: اذا انتى طالعة من فلسطين عمرك 10 سنين احنا النا طالعين من فلسطين صرلنا 65 سنة يعني عمرك حجي 75 سنة تقريبا ،

_ام شو منقلك ومن أي بلد ؟ عشان نقدر نكتبو حجي

_: ام غازي عزيزة تركي قاسم من الحولة

خ:هلاء كفي اجا الصبي عندكون علي ايه

_: اجا علي ، بعد ما اجينا على سوريا

خ:اه ما خبرتيني كيف طلعتي على سوريا كنتو بجنوب حطيطو خيم

_: أي كنا بجنوب وردينا على سوريا ، وقعدنا بسوريا وكان ابوي تاجر وكذا ، من بعد ما طلعنا ردينا على سوريا الشام اجينا على حوران بالاول قاعدنا بينا وقعدنا ، اجت خالتي ولا ولابتقولو بدك تنطي هالبنت لهالولاد يعني متل الاخوة كنا ، قالتلو وانا ما بدي يعني انا كنا ربينا سوا وصغيرة انا ايه تنطيني وكان ابوي يحبها كتير يا حبيبتي

خ: اديش كان عمرك وقتها بتتذكري

_: والله كان عمري عشرة ما عارفة كنت صغيرة بدك تقولي 13  14  15 هيك عم بقول

خ: يعني بحدود ال 15 سنة

_: اجت بتقول كيف تقولي هيك فيكي على راسك عقل وتحكي الكلمة هاي يعني كلام صراحة ، وانا ما بدي بالاتل والضرب انا ما بدي واذا عطاكي ياها حهجلك من البيت ، وانا البنت ما سهل ، وامي ما كانت تمون على حاجة ، بعدين صار يقرب علاي عشان يحكي معاي ما احكي معاه, اسد اسب عليه ما بحبه ، يا اختى ربيا تنين سوا  ما بحبه المهم جوزونا  لبعض البعض راحو حاضر ولقا ابوي وكذا وانا ما بسترجي عيني خالتي ، سكنا ابوي وين بدك تقولي غرفتنا هيدي الناحية وامي غرفتها من هيديك الناح ، بس افعص راسي دغري يقتلوني ايه وحياة المصحف.

خ: طيب بتتزكري شو مهرك كان  يوم خطبتك؟

_: شو بجي ،155 ليرة سوري

خ: شو خطبتك ، شوجبولك للخطبه اذا بتتذكري

_: لا ما جابوش لا ذهب ولا شي ولا سنسال ولا شي والله ولا شي

خ: طب محبس

_: شي ، والله العظيم عم بحكيلك الدغري ، وهني كتبو  كتابي بدرعا وين درعا سوريا ، هناك كتبو وانا رحت غصب

خ: الشيخ سألك ؟

_: ما سألني  شيخ ، الله يقطع هالعرب ، انا لو سألوني كنت قلتلو ما بدي .

خ: طب بتتذكري شو كان جهازك ، ابوك جبلك جهازك.

_: جهاز اواعي لباس طويل  فساتين جبلي 4 شقف يعني خيطوهن خياطة اشاربات

خ: انت كنت ما موافقة  ما حدا حدك  غيرك حكا قدر يساعدك؟

_: لا ما حدا قدر، ليكي  ابوي كانت كلمته كلمه خلص وبعدين عملو هالعرس جابوهالفرس،

خ: ايه خبرينا عن العريس.

_: جابو فرس اصيل ركبوا العريس

خ: انت يعني؟

_: ايه انا  الصلى على النبي يعني

خ: شو كنت لابسة يوم العرس.؟

_: بقولك لابسا اواعي كلها حرير من هادا المعرق ازرق واخضر واصفر

خ: طب بتتزكري اديش قعدي مخطوبة؟

_: ما بتذكر مافي ، ما طولوا والله ما في شهرين يمكن وبعدين جابولي هالعريس، الصلى عالنبي عريس الغفلة

خ:خبريني شوعملو يوم العرس شو طبخوا شو الأكل ؟

_ولا طبخوا ولاشي والله يا خالتي يحرم علينا قسما بذات الله , ولاشي حطو انا ما الي خاطر وامي اذا فتحت تمها تكل اتلي ما تسترجي تمون عحالها

وهادي جبنا للعريس والله العظيم ما الك يمين تحلفيني من كرهي فيه ضليت حوالي سنة لحبلت بغازي ومن كرهي فيه جبت هادي الجاروشة حطيطا عبطني بدي انزل الولد والله وما نزل اولي خلفناه صار هوي يسافر وانا لتهيت بالاولاد يعني ما عادت سئلت عليه،اكره كان يسافر يروح يجي ما اسئل عليه قعدت انا والاولاد ، كنت يوم الي اكل اتلي ما استرجي اطلع لبرا اقول وين بدي اروح كنت اكل اتلي من هون وانام من هون ما بسترجي بالمرة

خ: ابوك وين يكون؟

_: ابوي كان يقتلني هوي كمان

خ:طيب منرجع شوي لورا ، عالعرس اديش قعد الاحتفال؟

_: ما في ولا يوم قعد ساعات ، عزمتني خالتو علي هيدي غرفة العرايس

خ: طيب خبرينا عنا

_: عزموني عندون وقعدت عندون

خ: شو غرفت العرايس؟

_: يعني بعزمو العروس عندون لابال ما يجي يخدوها ضلي عندون  للعصريات اجو اخدونا وركبوني على هالفرس وهادا هوي عرسي والله يا خالتي جيزتي جيزة شحار خليها لا الله

خ؛ خليها بالقلب ، طب انت قلتيلي ابوك قرر وين تقعدي؟

_: قعدت بجنبوو حتا اجينا على حوران بجنبوه

_:  يعني تنقلته من مكان لمكان، على درعا راح على عزيز راح يعني مناطق مناطق تنقلنا من مطرح لمطرح

خ: مع ابوكي ؟ وجوزك كمان نفس الشي

_: ايه ، هوي كان يشتغل ويسافر يجي على حلب ومن جمعة لجعة لحتا يجى على البلد الي احنا ساكنين فيها وبعدين مضيت هالعمر وخلفت بنات

خ: اديش خلفتي

_: ثلاث بنات 3 صبيان

ويعني هيدي هيي قصتنا التهيت بالاولاد ولا عدت سئلت عليه ويسافر هوي على ليبيا وما سئلت ، وعمرت هالبيوت وكذا ومن احسن ما يكون

خ: كان يبعتلك مصاري؟

_: أي كان يبعت ، وعمرنا وحتى هوي ما سئل لا على عمار ولا على شى

خ: طب تقريبا اديش كان في عمر بينك وبينوه في شى 8 سنين

_: لا اكتر ، شو وينك كنا صغار وهوي مخلص مدرسي يعني في شى 20 سنة او فوق

خ: وبعدين سافر على ليبيا

_: سافر وصار يشتغل ويبعتلنا وبعدين رحت الي ولد هادا  غازي رحت لهناك لانو ممنوع يجي احسن ما يجي يمسك وشى عسكري لان هاد لكبير ، اى رحت على ليبيا انا وولد تاني الي رحت قعدت 21 يوم هناك قعدنا تركت البنات بالبيت بسوريا  اجيت بدي اروح تخانقت  وياتو قلتلو انا بدي اروح ما جاي للخناقات هيك سحبت حالي وروحت وقلنالو بدنا مصاري ، البنات بجوز اروح الاقيهن على اخر نفس ما في ، اعطاني شي 20 دينار وقلي بس تروحي لهناك بتسحبي مصاري من البنك ، فعلان اجيت لقيت البنات على اخر نفس ما في اجينا ناديت لابن عمي قلتلو تعا نروح على الحريقة بدنا نسحب مصاري ، سحبنا حالنا ورحنا وفتنا عالبنك واعطيتو الاوراق قام قال لي هناك ممنوع تسحبي سئلتوليش يا خالتي قال بعت برقية من ليبيا ممنوع تسلموها ليرة سورية ، المهم ضليت شي سنة ونص اخد مصاري من العالم

حتا اكتفيت ، وبعين تخانقت وياه قلتلو ليش تخليني امد ايدي اطلب من العالم وما كان حدا يصدقني انو ما في معاي ، اجا وتخانقنا وبعدين صار بدو يسافر ، النا ارضيات هون ، قلتلو ما بتروح قبل ما تحط الارض بإسمي  ان إعتزت ابيع ، اجينا رحنا على القصر العدلي سجلنا الارض بإسمنا عملنا وكاله يعني غير قابلة للعزل حطيت هالورقة بجيبتي وضلو الارضيات ما عتزت اجت صار عندنا مشكلة, خالتي الي ابن عمرو 17 سنة اجو ندولو شويت  شباب وراح وانا عم بعمل صنية كبة ما شفتو وين طلع ما بعرف ، شوي وانا طالعة بدي اخبز الصينية بالفرن ولا الولد جاي ابن الجيران روح شوفي حسان شو مالو ، طلعت  الولد الي قلي ضل ساحب حالو ماشي ما قلي شو القصة اجيت تركت كل شي ورحت ، لقيت ولد تاني ابن صاحب البيت واقف عالباب ، قالي خالتي ام غازي رايحة قالتلورايحة اشوف حسان  شو مالو ، قالي خالتي فوتي جوا فتت لقيت الصبي باللارض لقيت مقوس  قمت قلبت فيه لقيت الصبي مو ميت لساتها الروح فيه ، اجيت يا فلان يا فلان ما في خالتو  وصحاب البيت  متخبين ،  ناديت  لابني هاد لاسموه غازي اجو حملوه واخدوه على المستشفى ،  ورحت انا الله لا يئرجيها لحدا يا جماعة ، رحت لقيتون حاطين هالولد على الحمالة وقعدين . قلتلون يا خالتي ليش حطينوشو مالو شوفوه  صورة  المهم نزلوه لتحت صورة وانا طلعت لفوق  قام قلي خالتي شو بدنا نقيم الرصاصة فايتي  وبعدها مستقرة المهم طالعوني وقالولي هلق احنا منطلعها وسحبوني الشباب وجابوني عالبيت ،ولا اجت الساعة 8 ولا جابوه ميت , وصارت العالم تركض معاي من المحاكم وهيك , وبعد شهر اجا ابوه وبتعرفي ابوه ما إلوشي وانا دايرة من النيابة العامة ومن مكان لمكان , واجي الاقي نايم ومافي غير كلمة دهبي وفلوسه .

صار اللي كان يفكر فيه . اجيت تعال اقولك ليش اجيت قوم تحرك , يعني اجيت عالفاضي , بعدها  ما رضي يرد علي , عزل عننا بعد عننا ماعاد قرب . وانا تركته ل الله تعالى قلت اشكيه ل الله , وانا ركضت كتير يا خالتي متت ولا كأنه هوي موجود بالمرة . وبالنهاية ما لقينا نتيجة , وهوي ما عاد لا يحطلنا لا اكل ولاشرب ولاشي ابدن عزل عننا . وبعدين انا عندي البنت والولد الاخير لسه اعزب , وبعدين طلقني غيابي . اجانا كرت احمر , قلتلها للبنت إقري ليطلعولي الولد من الكرت قامت قالتلي طلعوكي انت من الكرت , قلت عال العال , طلقني غيابي يعني .

خ: اديش كان صرلك معه متجوزة؟

_: من عمر ابني غازي الكبير 30سنة

اجت هالبنت قالتلي فيه ورقة طلاق قلتلها هزت ما هزت شعرة من طيزي نهزت , فكرني رح اعمى او يصيبني شي , قام سحب حالو ومشي وضليت مع هالاولاد , بعدين اجا من ليبيا و بدو يخطب ,  وبيوم انا قاعدة هيك على الصوفاي وهالضيوف عند الجيران وإلا ما شفناه الا وهو طالع لفوق , قمت نزلت لتحت لحتى اشوف مين فيه بالصالون الا هو عم يفرجيه البيت , طلعتلون شوف جايين هون تعملوا يا عرصات قومو من هون بدل ما يجوز ابنه يتجوز هوي

خ: يعني هوي بدو يقعد ببيتك

_: ايه ايه ما هوي جايبن يشوفو البيت , وهوي طامعان بالارضيات اللي كتبن باسمي

خ: رجع اجا شي عمل معك شي؟

_: لا اجا نبهو عليه انه هادا البيت تبع العيلة , تجوز وقعد برا , وعملولو عرس زلمي كبير وحموده

خ: وخلف منها

_: خلف بنات تنتين

خ: وما تواصلوا معاكي هيدول البنات الجداد

_: لا لا كانوا محيدين؟

خ: انبسطنا بحديثك كتير والله وان شاء الله بترجعو على بلادكو . 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: