148967_3786260909839_1260325556_n.jpg

من أغاني النسوة عام النكبة
————
شو بدي أحكي وأقول والله راسي مصطول
واللي جرا مش معقول صفوا يا الله على الأدوار

في الصيف اجتنا امصيبة نكبة والله عجيبة
هالأحوال العصيبة ونمنا تحت هالأشجار

واجا الصليب الأحمر في السيارة يتقنبر
وصار فينا يتنفتر صفوا يالله على الأدوار

واجت بعده الوكالة تتغير هذي الحالة
أحوال كلها سفالة فيها التعب فيها العار

أعطونا بعض الخيام ودقدقناها بالتمام
فيها المطبخ والحمام فيها العقدة ليل نهار

قامت اجت هالثلجة بجت الخيمة بجة
وصابتنا والله رجة من الصقعة ومن قلة النار

ما بدنا خيام وبطاطين ولا كيكوز وسردين
ولا سمنة ولا طحين بدنا نرجع هالدار

صورة