ام مصطفى الحيش

الحاجة إم مصطفى الحيش ( كويكات) 17 سنة كان عمري بس اطلعت من فلسطين, كنت متجوزة و طلّعت ولد صغير ما يمشيش اسمو مصطفى, خلقوا كلن هون الاّ مصطفى بالشتاء: حمص, فول, مجدرة, عدس مجروش, كبة؟؟؟؟؟, سميدة, غميضة, مبق العلت, مبق الخبيزة, مبق العقّوب. العقّوب هيك هالقد ابيض بتنقي من الارض لونو ابيض متل التلج بتحوسيه طيب. منحوسو, منعملو, محمر, و بنقلي عجة. هاي من الاعشاب كويكات كانت مشهورة ب المغربية و الكبة. بالعرس نعمل دبايح, كانوا يعملوا دبايح شي 7, 8 دبايح و يعملوا رز و يسلقوا اللحم و يجيبوا لبن و بعزموا بس يموت حدا كمان كانو يفلفلوا رز و يعملوا كبة و خبز ملووح و يدبحوا دبايح للعزا و يفرقوا لحم. عالعيد دبيحة يدبحوا اهل البيت, كل بيت و دبيحتو و نعمل كعك و نعمل مدّين كعك. ازا خلّفت مرا : نعمل اكل و نعمل شوربا و تيجي الناس يباركولا يجيبوا ملّبس و راحة و روح الحلقوم. :نضّيف مغلي برمضان يطبخوا بالليل و تفيق العالم على السحور و عالفطور بس يقول الله اكبر كانوا العالم يطبخوا ملوخية رز, كلّو يكون محضرينو و يطبخوا طبيخ عادي بالعرس كل اهل البلد طبّاخات كبار هيك متلنا.. تعزميهن ييجو شي 7, 8 نسوان يطبخوا الرز و يسلقوا اللحم ببلاش ما كانو يوخدو اجارن كنا نعمل المغربية كانوا يجيبوا المغربيات و يبلوا الحمصات و يجيبوا اللحمة يقطعوها و بتجيبي بصل بتحطيهن بالطنجرة و زيت و بتقلبيهن و بتحطي الحمصات و اللحمات و المغربية بتعمليهن باللجن. الطبّاخات بعد ما يخلصوا طبخ و العالم توكل و كل اشي كانوا يعملولن دستين و يفرقوهم للطبّاخات و عليهن هاللحم و يعطوهن للطبّاخات. الفقير و الغني نفس الاكل بس هني كانوا يشتروا الاكل مشترا بس احنا كنا نزرع. يعني متلا, مثل العقّوب والعلت و الخبيزة, كنا نبيعهن و يطبخوا , طبيخهن متل طبيخنا بس الغنايا هني كانوا يحطوا نص كيلو لحمة للطبخة, احنا كنا نحط وقية, الله خلق العالم درجات درجات يمّا كانوا يزيدوا اللحمة للطبخة, الفروج, يزيدوا مثلا انت تجيبي فروج للعيلة, هني يجيبوا اثنين. بالنسبة لللهجة هيانا بعدنا احنا احنا بس الغابسية غير حكينا و الشيخ داوود و الشيخ دنون لغاد الشمال غير حكينا. : ما بعرف كيف , انا قليل ما خالطتهن, كنت زغيرة, لا كنت اطلع ولا اجي عليهن بس النسوان الكبار بيعرفوا كانوا يروحوا و ييجوا عالاجر يروحوا هون, يروحوا هون بتميز حكيهن. كنا نقول عن المعلقة… زلفة الصحن… جات ستية, هاي الصحن المصفلح البجامة… شنتيان , نعمل الو دكة الفستان بعدو فستان بس بدنا نمدح ب حدا نقول : منيحة, بنت عالم, بنت اوادم, شلبية و برنجة حلوة حلوة يمّا شلبية و منيحة و ازا بدي اصرّخ عحدا بقول بلية العمى الي يعمي قلبك و لك اسكتي و لك اهدي, هيانا هون بنقول

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: