ام صلاح بلقيس

ام صلاح بلقيس كان عمري يعني شي 18 سنة كنت متجوزة و حبلة كمان احنا من الكابري اشهر الاكلات الي كنا نعملا بفلسطين مفتول يعني مغربية, و نعمل طبعا كروش و كبة تحيلة. كبة تحيلة نعمل سميدة, ننمش سميدة و نعمل حشوة, الحشوة العادي, نحط لحمة و بصل و نحوسا مع بعضها و نحشيها, نقولا كبة تحيلة و مجدرة سميدة. يعني نفس الاكلات الي كنا نطبخها بفلسطين عم نطبخها هون اكلاتنا الفلسطينية ما تغيرت كل الفلسطينية بيطبخوا نفس الشي بتعرفي كل بلد يعني نفس الطبخات هي نفسا, مجدرة, الغمة هون احنا بنقولا كرش و مفتول يعني مغربية كل نفس الشي يعني متل ما انا بعملا غير ما انت بتعمليها, كل واحد مثل هلق ,بنات الجيل الي طالع عن طريق الكتب بيعملوا الاكل, احنا كنا احنا نعمل الاكلة. يعني نعمل رز و عدس, نصب بصحون و كبة نجبلا و نوكل مجدرة, سميدة و بندورة, منزّلة يعني بيتنجان مع بندورة وقت العرس نعمل, ندبح دبايح و نعمل بهالصدورة رز و عليها اللحمة و الصنوبر و هيك ضيافة بالعرس حلو و هيك , كنا نعزم الناس و الحلو يشتروا خالص. عالعيد نعمل كعك و تدبح الناس و بالحج طبعا كل واحد حسب قدرته, يعني الي عندو قدرة بس ييجوا الحجاج يدبحولهن دبيحة و يفرقوا الهدايا الي يجيبوها و يدوروا يدربكولن. اول ما يوصلوا : لما يخلق الولد نعملو زفة و يدربكولوا يزأفوا و يهللوا و يوزعوا حلو. هيك بس يطهرو الولد و وقت حدا يموت معاذ الله يكفيكي شرو… اهلو يتوكلوا بكل شي تناويح, بكا و اكل في ناس تعمل اكل لاهل الميت دبايح و هيك. العيلة. كل واحد و عيلته, جارتو, كبير عيلتو بيقدرو يأمنوا كل شي.. نتساعد مع بعض بس الواحد و عيلتو.. الي عيلتو كبيرة يدبحوا دبيحة و يعملوا اكل للناس و الفقرا ييجوا جيرانن يساعدوهن يقدمولن اكل و مساعدة و الي حالتو منيحة هني يعني بالشتا مغربية, الغمة الكرش يعني. كل شي سخن تطبخي هاد كلو اكل شتا يعني سبانخ, اليخانة. الهندبة سلق احنا منقولو علت هون بقلولو هندبة اشياء كتيرة الي تطلع بالشتا نعملو. بالصيف ملوخية, لوبية, كل هاي الاشياء بالصيف, بالشتا اكلات محدودة, تطبخي شي توكلي سخن الاكلات بين الفقبر و الغني بتفرق كتير, الغني يعني ما تآخذنيش كل يوم يشتري لحمة, اكلو منيح, فواكه, يعني حالتو منيحة, يجيب كل شي, الفقير شو يّما الله يساعدو, نتفة مجدرة, سميدة و بندورة, يعني حرام ما يتكلفوا كتير فيها, الغني لحمة و فراريج يعني ما تآخذنيش اكلو غير لما كان حدا يمرض, نغليلو شوي مرمية, نغليها نحط نتفة يانسون و هيك اشيا زهورات, آه حبيبة قلبي يصح ,لا, حكمة كثير و لا اشي و لا شي, الواحد بطنو تصير توجعو نغليلو نتفة مرمية نسقي اياها يصح الحمدالله متل , اذا الواحد ينجرح نجيب نتفة قهوة نحطلو ياها عالجرح يصح, هلق روحوا قطبوا و روحوا , آه و الله شو ما كان والله كانت العالم عايشة ببساطة و الف رحمة من الله. بالنسبة لللهجة نفرق الحكي يعني كيف انت و احنا حكينا غير التراشحا يعني بمدوها الكلمة بس احنا عادة و في الغوابسة حكين غير بتطلع غير بتطلع الكلمة هيك آه ه ه ه… لهجتن اقوى التراشحا بمدوها يعني احنا نقول يا عيني هني لك عييييييييييييييييني, احنا منقول محمد هني بقولو محماااااااااد بس حكين حلو آه… احنا الكبار ما غرنا بحكينا بس اجينا على لبنان بس هالوليدات آه, لئنو خلقوا هون بيحضروا مع الشباب بيتعودوا يعني و كمان كنا نقول زلفة ,هون بقولوا معلقة مثلا هاتي الزلفة, هاتي لقتات يعني هون بقولوا المغراف المغراف الي بغرفوا فيه الاكل, احنا غير كل شي بيقلبوا بنات اليوم… بس بدنا نمدح ب حدا نقول: والله جارنا منيح إيدمي, احنا و يّاه صحاب و هيك الحمدالله يعني ازا عامل مشكل كنت اقولو لاء يا حبيبي اهدا يمّا عيب هالنسوان الي بتدعي انا ما بحب الدواعي يي سلامة قلبو لمّا اسمع وحدة تدعي عإبنا او ع حدا هيك بتدايق آه هني يقولوا عما يعميك عما هيك يكسر إديك, انو لمّا يإذي الواحد يدعو عليه حرام الواحد يدعي انا ما بدعي الحمدالله بس الجيران كانوا يدعوا يا مقصوفين العمر يكسر اديكو هيك بس يإذو يعني او يكسرو…

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: